ЖҰМЫСШЫ МАМАНДЫҚТАР ЖЫЛЫ: ТЕҢІЗ КЕН ОРНЫНДАҒЫ ЕҢБЕК АДАМЫ

Мемлекет басшысы биылғы жылды Жұмысшы мамандықтар жылы деп жариялаған болатын. Осыған орай, біз өз ісіне адал, еңбекке шынайы беріліп, кәсібін құрметтейтін жандар жайлы баяндауды жалғастырамыз. Біздің келесі кейіпкеріміз – Теңіз кен орнында қызмет ететін оператор Айбек Санақов. Ол қара алтын өндірісінің алдыңғы шебінде жүріп, кәсіби шеберлігімен және еңбекқорлығымен ерекшеленген азамат. Мұндай мамандар – жұмысшы кәсіптің мәртебесін көтеріп жүрген нағыз еңбек адамдары.