Туынды қоғамның өзекті мәселесіне айналып отырған жемқорлық, теріс діни ағымдардың әсері, дәстүрдің құнсыздануы, отбасы құндылықтары сияқты сан түрлі тақырыптарды арқау етеді. Сонымен қатар, телехикая бүгінгі замандағы құқық қорғау өкілдерінің аса қауіпті қылмыскерлердің жолын кесудегі кәсіби жұмысы мен қоғам алдындағы ауыр міндетін ашып көрсетеді. Биік адамгершілік қасиет пен адал еңбек жолы ғана қоғамды жақсылыққа жетелейтінін, адами өркениеттің негізі таза жолмен қызмет ету екенін ашып көрсетуді мақсат тұтады. Телехикая оңай жерден олжа іздеген жанның қайшылыққа толы, жағымсыз өмірін бейнелеу арқылы өзгелерге ой салуды көздейді. Туындының негізгі идеясы - айналасына зиянын тигізетін адамның өмірі тығырыққа тірелетінін, заң әділдігінің қай кезде де үстемдік құратынын көрсету.

Телехикая жасөспірімдер интернатында тәрбиеленетін қыздардың қиын тағдыры туралы баяндайды. Өгей әкесінен қорлық көрген Эйлүл де бұл интернатта жетімдіктің ауыртпалығын тартады. Мекеме Стамбұлдың элиталы ауданына көшкен сәтте жағдай одан сайын қиындай түседі. Интернаттың тәрбиеленушілері бай балалардың мазағы мен қорлығына тап болады. Тағдыр тауқыметін көрген қыздар дұшпандық әрекеттерге, жанжалға толы ортаға үйрене ала ма? Ата-ананың сүйіспеншілігі мен мейірімін алмастыратын достық қатынастарын сақтап қала ала ма?

Алтай жол апатына түсіп, жары мен құрсақтағы перзентінен айырылып қалады. 13 жасар қызымен жалғыз қалған ол жол апатына себепкер жігіттің мас болғанын, оның қылмысын жабу үшін әкесі біреулерге ақша беріп, істі жаба салғаны жығылғанға жұдырық болып тиеді. Алтай басқа түскен ауыртпалықтан, әділетсіздік пен шарасыздықтан әбден мүжіліп кетіп, ішімдікке салынады. Бірақ осының бәрі қиындықтың басы екенінен бейхабар еді. Араға жылдар салып, қызы тұрмысқа шығатын кезде бел құдасы жарын өлтірген қылмыскердің өзі болып шығады...

Телехикая Ілияс есімді режиссердің қалалық театрлардың біріне жаңадан жұмысқа орналасуымен басталып, өнер ордасының ішкі өмірін, сахна сыртындағы тартысты баяндайды. Туындының басты мақсаты - кейіпкерлердің театрға деген махаббаты арқылы өнердің қадірі мен қасиетін арттыру, өскелең ұрпақты еңбекқорлыққа, бәсекелестікке, әділеттілікке тәрбиелеу. Сондай-ақ отбасылық құндылықтарды дəріптеп, ата-ана мен бала арасындағы қарым-қатынасты насихаттау.

Фильм қазіргі әлеуметтің бойында кездесетін қайшылықтар, адамдардың бір-біріне деген сезімдерінің, сенімдерінің жоғалуы, сатқындық, ата-анаға деген құрметтің өз дәрежесінде көрсетілмеуі сияқты түрлі тақырыптарды қозғайды. Туған ағасы Біржаннан қапыда айырылып қалған Рүстем енді әмеңгерлік салт бойынша жеңгесіне үйленеді. Дүниеден ерте өткен әкесінің шеберлік өнері Рүстемге дарыған. Оның жасаған сандықтары қолөнер туындысындай көркем, бірақ жанұяның ауқатты өмір сүруіне жете бермейді. Кейіпкерлердің жан күйзелісі, өмір өткелдерінің сан қилы сынақтарынан өтіп, ең соңында отбасын сақтап қалуы әр көрерменге ой салары сөзсіз.

Телехикаяда бір шаңырақта тұратын ағайынды екі жігіттің әйелдерінің зәулім үй мен бизнеске таласы баяндалады. Қулық-сұмдығы мол кенже келін шешесінің айтуымен ағайындардың арасына жік салып, үйдің берекесін кетіреді.

4 бөлімді тарихи телехикаяда Алаш арысы Мағжан Жұмабаевтың өмірі мен шығармашылығы, ұлт үшін басын құрбандыққа шалған қайраткерлігі туралы баяндалады. Телехикаяда Мағжан Жұмабаев өмірінің 1915-1921 жылдар аралығындағы кезеңі қамтылған. Орынборға келуі, Омбыдағы мұғалімдер семинариясында оқып жүрген шағы, Сәкен Сейфуллинмен достығы, Қызылжар мұғалімдер курсының оқытушысы Гүлсім Камаловаға ғашық болуы суреттеледі. Тарихи драмада ақынның замандастары Міржақып Дулатов пен Сәбит Мұқановтың бейнелері де бар.