ЧАПАЙ ЗҰЛҚАШТЫҢ ҮЙІНЕ МЕМОРИАЛДЫҚ ТАҚТА ОРНАТЫЛДЫ

Белгілі режиссер, актер, Қазақстанның еңбек сіңірген өнер қайраткері Чапай Зұлқаштың тұрған үйіне мемориалдық тақта орнатылды. Атыраудың абызы атындағы І республикалық режисерлар мен сценографтардың фестиваль - форумы осылай басталды. Шараға келген тұлғаның үзеңгілестері, әріптестері, шәкірттері, бауырлары талантты жанның қызмет барысындағы естеліктерімен бөлісті. 1938 жылы Исатай ауданы, Орпа ауылында дүниеге келген сахна шамшырағы «Ерен еңбегі үшін» медалінің , «Құрмет» орденінің, Республикалық Махамбет сыйлығының, бірнеше мәрте Президент стипендиясының иегері атанған. Естеріңізге сала кетейік, форум ағымдағы айдың 7 - 10 күндері аралығында Махамбет Өтемісұлы атындағы академиялық қазақ драма театрында өтеді.