АТЫРАУДА ҚҰҚЫҚ БҰЗУШЫЛЫҚТЫҢ АЛДЫН АЛУҒА АРНАЛҒАН ЖҮЙЕ ІСКЕ ҚОСЫЛДЫ

Атырауда тұрғындарға қаладағы проблемалы орындар туралы хабарлауға мүмкіндік беретін жаңа цифрлық платформа іске қосылды. Енді жарықтандырылмаған көше, қараусыз қалған ғимарат немесе бейнебақылау камерасы жоқ аумақты картадан белгілеп, тиісті орындарға хабарлауға болады. Жаңа жүйе құқық бұзушылық қаупі жоғары жерлерді алдын ала анықтап, олардың алдын алуға мүмкіндік береді. Платформаның жұмысы мен қаладағы профилактикалық шаралардың нәтижесі арнайы кеңесте талқыланды.