Атырауға тасқын су келеді» деген хабарлама жеткелі Махамбет ауданы Ақжайық ауылында да қауырт жұмыс. Ауылдық әкімдікте тасқынға қарсы штаб құрылып, жауапты тұлғаларға участоктер бөлініп берілді. Ауыл жастары, қалаға көшіп кеткен ақжайықтықтар да сенбі, жексенбі күндері ауылға келіп, қол ұшын тигізуде. 1994 жылы орын алған су тасқынына қарсы жұмыстың басы-қасында жүрген, бүгінде зейнеткерлік жасқа жеткен Мәлік Тәжіғалиев халықты үрейге берілмеуге шақырады. Ауылдағы зейнеткерлер, әйелдер мен кішкентай балалардың қауіпсіздігі үшін біразы басқа өңірлерге кетіп, ер азаматтар ауылды тасқыннан қорғауда қалтқысыз қызмет етуде.