АЙЫППҰЛ ТӨЛЕМЕЙ ЖҮРГЕНДЕРГЕ РЕЙД БАСТАЛДЫ

Айыппұлын төлемей жалтарып жүрген 74 азамат анықталды. Облыс аумағында 30 мамыр және 18 маусым күндері айыппұл төлемей жүрген азаматтардың көбеюіне байланысты "Борышкер" жедел профилактикалық іс-шарасы өткізілуде. Басты мақсат - жол қозғалысы ережесін бұзғаны үшін әкімшілік айыппұлдарды өндіріп алудың тиімділігін арттыру, сондай-ақ қолданған жазаны орындамағаны үшін құқық бұзушылар арасында жазаның бұлтартпастығы қағидатын сақтау. Рейдтік шара басталғалы полиция қызметкерлері 74 автокөлік жүргізуші борышкерді анықтап, оның ішінде 24 автокөлік айыппұл тұрақтарына жеткізілді.