Былтырғы жылдың қорытындысы бойынша Атырау облысы салық түсімдерімен рекордтық көрсеткішке қол жеткізді. Ұлттық қорға түсетін қаржыны қоса есептегенде, өңірден шоғырланған бюджетке 5 триллион теңгеден астам қаражат түскен. Мұндай нәтижеге мұнай өндіру мен экспорт көлемінің артуы, үшінші буын зауытының іске қосылуы және Қашаған жобасының белсенді кезеңге өтуі әсер етіп отыр.