КӨРІСУ МЕРЕКЕСІ ТОЙЛАНУДА

Бүгін қазақстандықтар «Көрісу» мерекесін тойлауда. Қазақ халқының жылсанауы бойынша жаңа жыл дәл осы күннен басталады. Өйткені, күн жылынып, жер аяғы кеңіп, қыс бойы бір-бірінің амандығын біле алмай, сағынған ел осы күні жақындарына көрісіп барады. Жыл сайынғы дәстүр бойынша биыл да атыраулықтар көрісу мерекесін ерекше нақышта атап өтуде. Салтанатты мәдени-көпшілік шараға облыс әкімі Серік Шәпкенов қатысып тұрғындарды құттықтады.