Өңірдегі оқу орындарының бірінде «Көркем еңбек» мамандығы бойынша білім алушылар өз оқуларын тәмәмдады. Биылғы жылы 32 түлек осы мамандық бойынша дипломдық жұмыстарын қорғауда. Оның 20-ға жуығы Шаймардан Сариев атындағы қолданбалы және сәндік өнер музейінде емтихандарын тапсыруға мүмкіндік алды. Студенттер өздерінің 4 жыл бойы алған білімдерін ортаға салып, қолдарынан шыққан өнер туындыларын шығармашылық емтиханда қорғады.