Әлихан Базарғалиұлы 2002 жылы 23 тамызда Атырау облысы, Индер ауданы, Есбол ауылында дүниеге келген.
2020 жылы Х.Досмұхамедов атындағы Атырау университетіне журналистика мамандығына түсті. Қазіргі таңда 3-ші курс студенті.
2022 жылдың желтоқсан айынан бастап «Қазақстан» РТРК АҚ Атырау облыстық филиалына, тақырыптық хабарлар бөлімінде редактор қызметін атқарады.Кейін, тақырыптық хабарлар бөлімінің шеф редакторлық лауазымына ауысты.
11 жасынан мектеп, аудан аралық көркемсөз оқуларына белсене қатысты. Аудандық «Абай» «Шәкәрім» оқуларына тұрақты қатысып Абайдың сексенге жуық өлеңін, екі поемасын, оннан аса қара сөзін жаттаған. Аудандық, Облыстық ғылыми жобалық жарыстарынан жүлделі орындар иегері.
Қызығушылығы:
Бос уақытында қол-өнер бұйымдарымен, әсіресе тері, ағаш өнімдерінен түйін түйгенді ұнатады. Қамшы, жүген өрудің жеті түрлі техникасын меңгерген. Демалысында ауылға барып салт ат мініп, қыр асып қыдырғанды ұнатады. Қолы қалт ете қалғанда кітап оқу әдетті ісі. Оқушы кезінен кітапқа құмарлығынан аудындық «Үздік оқырман» сайысынан жүлделі бірінші орынды, облыстан екінші орынды иеленген.
Өмірлік ұстанымы:
Талап, еңбек, терең ой,
Қанағат, рақым ойлап қой.