ҚАТТЫ ЖЕЛ ШАТЫРДЫ ҰШЫРДЫ

Шаһардағы ұйытқи соққан жел көпқабатты үйлердің  шатырын ұшырды. Жылдамдығы 18-19 м/с-қа жететін екпінді дауылдан   Нұрсая ықшам ауданындағы 84,  Азаттық даңғылындағы №77 баспананың тұрғындарына қауіп төнді. Хабарлама төтеншеліктерге таңертеңгі сағат 7:10-да және 8:22-де келген. Оқиға орнына  жедел-құтқару жасағы барды.  Олар авариялық-құтқару жабдықтарының көмегімен бүлінген конструкцияларды қайта қалпына келтіріп, аймақты қоршаған. Айта кетейік, зардап шеккендер мен қаза болғандар жоқ. Ал,  өңірдегі дауылды ескерту ұялы байланыс операторлары арқылы  кеше  жарияланды.